JITANAA MUJHASE HO SAKAA, UTANAA MAINNE KIYAA
JITANAA MUJHASE HO SAKAA, UTANAA MAINNE KIYAA
Jitanaa mjhase ho sakaa, utanaa mainne kiyaa Tumane mujhako jaisaa rakhaa, vaisaa main rahaa Apane tan ko til - til jalaakar Tumhaare aage roshanii kiyaa Jitanaa mujhase ho sakaa, utanaa mainne kiyaa
Kabhii saanson kaa haar banaayaa Kabhii tan, dhoop, diip jalaayaa Kabhii aankhon men aansU lekar Tumhaare mandir ko dhoyaa Jitanaa mujhase ho sakaa, utanaa mainne kiyaa
Kabhii anal jal snaan kiyaa kabhii kaanton par soyaa Faadakar puraanii dhotii Odhhaa aur odhhaayaa Jitanaa mujhase ho sakaa, utanaa mainne kiyaa
Kitanii vibhiishhikaaon ne mujhe Daraayaa Andhakaar men apanaa hii saayaa Mujhako baar - baar dhamakaayaa Fir bhii main tumhaare aage kabhii Koii shikaayat lekar aayaa Jitanaa mujhase ho sakaa, utanaa mainne kiyaa
Joron se jab bhii aandhii uThii Apane tan kii oT kar, tumhaare Mandir ke diiye ko bujhane se bachaayaa Kabhii pighalatii dhUp men, palakon ko Shaamiyynaa banaakar, tumako dii chhaayaa Jitanaa mujhase ho sakaa, utanaa mainne kiyaa
Kabhii to tumane ye kahaa, jiine kaa dhyey Kriti nahiin, dhan nahiin, sukh nahiin, darshan nahiin Kyaa kabhi maine tumase isake liye haTh kiyaa Tumane jaisaa chaahaa, maine vaisaa kiyaa Jab - jab dukh - vishh kaa pyaalaa bhejaa Maine amrit samajh chupachaap piyaa Jitanaa mujhase ho sakaa, utanaa mainne kiyaa
Pahan Ungii mein muktaa kii maalaa Chaandii kaa mujhako de do doshaalaa Ratn - jaDit, mahal ho meraa Jahaan bajataa ho Dhhaak - majiiraa Aisaa kuchh, maine tumase kabhii maangaa Tumane jaisaa rakhaa, main vaisaa hii rahaa Jitanaa mujhase ho sakaa, utanaa mainne kiyaa
| Added: Sunday, 28 August 2005 Modified: |