DIPTI HI TUMHARI SAUNDARYATA  HAI

Tum jwalit agni ki saari prakhartaa ko

sameTe baiThi raho, nav – vadhU –sii mere hriday men

Dipti hi tumhari saundaryataa hai, ise chingari

Ban chhiTakne mat do, is abhishapt bhuvan men

Tumhare kamal –nayanon se jab bhi rengti huii

Nikalti hai aag, main dagdh ho jata hUn

Darak jata hai mera vadan, jaise aave men

Darak jata hai miTTi ka patr

Meri baanhon men aao, mere hriday ki swaamini

Kar lene do apane prem –vyom ka vistar

Do falak ko, do uron se mil lene do sarkar

Ang –ang tumhara jUhi, chameli aur gulab

Chandr – vibha, chandan –kesar tumhare pad-raj ka muhtaaj

SUkh chala hriday – yamunaa ka pani

Hem kumbh ban bhar jaao tum

Yatri hUn, thakaa huaa hUn, dUr desh se

Aayaa hUn, de do apane kale gesuoM ki sanjh tum

Andhkar ke mahagart men dekhna ek din

Sab kuchh gum ho jaayegaa, tumhari ye

Jawani, angon ki rawangi, sabhi kho jayengi

Isliye aao, kholo apane lajja – paT ko

Adhron ke shUchi –dal ko ek ho jane do

DUbti huii kishtiyon se kilkari uTHne do

DIPTI HI TUMHARI SAUNDARYATA  HAI