IS SANDHYAA WELAA MEIN
IS SANDHYAA WELAA MEIN
Sandhyaa ke is dhumil welaa mein
Tan kii sookhii daalii par
Gagan mein udataa panchhii saa man
Thhaharane ko hai taras rahaa
Dil abhimaan kar rooTh rahaa
Aansoo palakon se chhalak rahaa
Rah-rah kar yah ashrudhaaraa
CharaNon ko dhone umad rahii
Jisane rachii nadiyaa, pahaad, tare
Sooraj, chand, paanii, angaare
Wah kyaa is tan-sandhyaa ko
Aane se rok naa sakaa
Jisakii chhaayaa diiptimaan hai
Tiinon jahaan ke kan-kan mein
Chaandii kii saanpon sii kiraNen
Naach rahii jal-thal mein
Wah apanii ek kiran dekar
Merii sandhyaa ko roshan kar naa sakaa
Kyaa bigad jaataa niyati kaa
Sandhyaa daan jo wapas le letaa
Badale mein is jiwan ko
Do chaar din kam hii detaa
Jaise nabh ke antah-sthal mein
Miin hai vicharaN karataa
Waise hii dil ke antah-sthal mein
Man panchhii Thahar jaataa
Jiiwan-mrityu Ke is dwadwa mein
Jiiwan kachche dhaage se jhool rahaa
Aasamaan par kaalaa baadal
Har kshaN sar ke Upar tair rahaa
|
Added: Thursday, 21 July 2005 Modified: |
