PUSHHPALATAA KAA RISHTAA
PUSHHPALATAA KAA RISHTAA
Umra pachaas paar kar gayaa
Jiine kaa bukhaar utar gayaa
Apane achche aur bure karmon kaa
Hisaab yaad aa gayaa
Ab jiine aur jogane kaa
Junoon utar gayaa
Jiine kii uddaam laalasaa
Ulajh kar dard ban ga-ii
Lahakate angaare chehare par
Umra kii dhool jam ga-ii
Man virakti kaa bojh Dhone lagaa
Jiine kaa uddaam khatm ho gayaa
Ab to aankhon ko niind kaa nahiin
Maut kaa intajaar rahane lagaa
In aankhon ke saanche mein ab
Maut kaa roop Dhalane lagaa
Ab apanon kii tasaviir mein
Paraaye kaa cheharaa diikhane lagaa
Duniyaan kii chakaachaundh mein
Rishte kaa moharaa badalane lagaa
Jisako maine das mahiine tak
Apane udar mein paalaa
Aastiin kaa doodh pilaakar pal-pal badaa kiyaa
Ab wah ghar kaa rastaa bhool gayaa
Tare banakar jo mere sapanon ko sajaataa thaa
Mere pyaase hriday ko madhupaan karataa thaa
Chetan shithilataa mein bhii laharon saa laharaataa thaa
Wah sab aaj saundaryamayii kritiyaan ban ga-iin
Jab se le aayaa apane sang
Rakhane wah ko-ii hriday sundarii
Usake saagar sii vishaal aankhon mein
Dubaa diyaa maan ke pyaar kii tashtarii
Dekhane mein wah badii bholii-bhaalii hai
Siidhii chharaharii, par lal mirchii hai
Baante karatii hai tiikhii-tiikhii
Aag ugalatii hai bhattii-sii
Usake kaTane kaa andaaj bhii ajiib hai
Pahale malaham lagaatii hai , fir kaaTatii hai
Usake cham-cham karatii motii-sii
Danton ke piichhe vishhh kii thailii hai
Ab patii bechaaraa kyaa kare
Kise pataa thaa ki patte kii oT mein
Kali sang naagin lipaTii hai
Pati ke mukh par hariisan taalaa hai
Haath mein pyaar kii hathakadii hai
Usake liye to is dharaa par
Sundarataa se badhhakar ko-ii dhan nahiin hai
Usako kyaa malum , pyaar kii niirawataa mein
Madhu sang vishh ghol rahii hai
Jo rooTh gayaa mere apanepan se
Wah meraa apanaa hii thaa
Kab wah meraa parayaa thaa
Jo usako apanaa banaatii main
Lagataa hai, is parivartanashiil duniyaa mein
Rishton mein sab se jyaadaa vikaash huwaa
Yauvan pushpalataa kaa rishtaa
Har rishte se badaa huwaa
|
Added: Thursday, 21 July 2005 Modified: |
