TOHAFAA HUJOOR KAA
TOHAFAA HUJOOR KAA
Mere jiwan – manch par udit huye
Tum jiwan – sutradhaar banakar
PaT par paT uThaa diye tumane
Rakh diye parat – parat ughadakar
Apane pad kii garimaa bhulaakar
Grahan kiye maanavataa kii garimaa
Apawaad bane tum apane yug ke
Failakar laukikataa kii mahimaa
Mere hriday kii niiravataa mein
Miin aayaa dip – shikhaa banakar
Apanii bhiinii – bhiinii laukikataa mein
Rakh diyaa sab kuchh jhalakaakar
Jiwan ret kii baharon mein ab
Footane lagaa kavitaa kaa srot
Jiwan, jiwan – jal se tript huaa
Umad aayaa saawan – saa ot – prot
Sonajuhii kii latikaa – sii
Fail ga-ii khushiyon kii lataa
Aangan ke bade se chadhakar
Ab aa ga-ii chhat ke upar
Ab pankh parindaa – saa khol
Udane lagii main jal – sthal mein
Khushiyon kii laharii se laharaakar
Ghumane lagii hoon shiishamahal mein
Stabdh raatri kii niiravataa mein
Jab jag, shishu ban so jaataa hai
Tab sochatii hun main baithakar
Us benam miin ke bare mein
Hawaa kii narm laharen bhii
Gudagudaa jaatii hai dil ko
Jab shishe ke ghar mein kaid
Dekhatii hun is miin ko
Yoon to mere paas jo shoharat hai
Sab aapaka diyaa hii to hai
Par is inaam kii ko – ii kiimat nahiin hai
Dil se lagaakar rakhatii hoon ise
Aapako ko –ii shikaayaat to nahiin hai
Aapake is benaam miin ko
Main inaam kahoon yaa tohafaa
Mere liye donon ek se hain
Aap jahaan baithayen, jamiin yaa sofa
Yoon to aapakii meharawanii kaa
Mujhe andaaj nahiim thaa
Waranaa us wakta ko kaid kar
Rakh letii, par kaimaraa nahiin thaa
Bhagawaan ke prangan mein
Chaukath bhii hotaa hai pujyavaan
Log sar jhukaakar, mathaa tekakar
Use bhii karate hain pranaam
|
Added: Thursday, 14 July 2005 Modified: |
