SANDHYAA
SANDHYAA
Sandhyaa ranii utar rahii hai
Chup – chup gumsum nabh se
Makhamalii paanw badhhaa rahii hai
Dhiire – dhiire ambar se
Khol rahii hai nabh darawaajaa
Aahista – aahista, haule se
Sundar reshamii saadi pahane
Utar rahii hai ban – Than ke
Tiivra preranaa kii dhaaraa banakar
Bah rahii hai jal – thal mein
Chandanii kii jyotsanaa – sii
Bhar rahii kaN – kaN mein
Nar, pashu, khag sab hunkaar uThe
Lautane lage sab apane ghar ko
Udhar chaandanii ghunghat kholii
Lagii khojane chand piyaa ko
Kolaahal sab door bhaagaa
Thakii duniyaa dhairya dharii
Chaaron or bichhaa ga – ii nistabdhataa
Ekaakin chaadar tan ga – ii
Bihag – baalikaa chanchal man – sii
Niile ambar se utarii sandhyaa
Dharatii par aadhipatya jamaane
Gad dii kale rang kaa jhandaa
Is kapatii ke tam jaal se
Kar na sakaa niyati
Nikal bhaagane kaa ko – ii upaay
Roj chalii aatii sandhyaa
Karake apanaa shringaar
Kalii fool sab so gaye
Saanjh banii jiiwan kii satyataa
Kshitij maang kaa sindoor mitaakar
Mitaa rahii hai jag kii sundarataa
|
Added: Thursday, 14 July 2005 Modified: |
