JINDAGII NE DIYAA TO BAHUT KUCHH
JINDAGII NE DIYAA TO BAHUT KUCHH
Jindagii ne diyaa to bahut kuchh
Par bahut der se diyaa
Roshanii bhii hu – ii dhoop bhii khilii
Par sooraj madhyantar ke bad nikalaa
Ek jamaanaa aisa bhii aaya
Jab na khushii thii , na gam thaa
Har mod par rulanewalaa thaa
Hansaanewalaa ko –ii nahiin thaa
Aasaman par chand – tare bhii nikale the
Par wakta se pahale jaa chuke the
Kabhii hawaa dam saadh lii thii
Saans lenaa bhii mushkil thaa
Kabhii iishwar ne denaa bhii chaahaa
To main wakta par pahunch na sakaa
Jindagi ne diyaa to bahut kuchh
Par bahut der baad diyaa
Tangii aur badanaamii kaa thaa tribhuwan
Sar par uthaaye ghoomataa thaa
Door khadaa himaalay netrahiin ban
Lajjaa se munh fer liyaa thaa
Deh kii bhookh tan kii bhookh sang haar ga – ii thii
Wadan kii aabhaa jaa chukii thii
Har pal saansen arpit thii unake charanon mein
Niraakar maalik jo jaag rahaa thaa raaton mein
Himaalay banakar rok liyaa thaa
Apanon ne hii jiiwan path meraa
Is kaal dewataa ke praangan mein
Meraa tiinon kaal rahaa andheraa
|
Added: Sunday, 10 July 2005 Modified: |
