MAAN
MAAN
Maan mat ho tum udaas
Ko –ii tumhaare paas rahe na rahe
Mai hun na tumhare paas
Maan mat ho tum udaas
Tumhaari sevaa kartavya hai meraa
Yah na ko – ii ehsaan
Mataa – pita kaa rin aaj tak
Utaar saki hai kya ko-ii santaan
Rom – rom par karz hai tumhaaraa
Rug – rug mein hai tumhaaraa lahoo
Dharati par wo dravya kahaan
Jise dekar ho sakoon urrin
Tumhaarii mamataa ke bal par hii
Yah duniyaa hai itanii sundar maan
Meraa yah saubhaagya hai jo
Pa –ii tum sii pyaarii maan
Tumhaarii har aagyaa kaa paalan hogaa
Jab tak mere hriday men hai sans
Meraa yah jiwan wardaan rahegaa
Jab tak hai tan mein praan
Maan tumhaaraa prem amar hai
Tumhaarii har baat ajey hai
Kisamen hai itanaa dam
Jo jhutalaa sake tumhaaraa man
Kaal kaa tandava sab ne dekhaa
Maan ka pyaar kitanon ne dekhaa
Bahut bhagyashaali hain wo
Jinhen milee hai maan kii god
Maan tumhaariin saghan sunahalii chhaayaa mein
Apanepan kaa hai bodh bharaa
Tum swaatii kii bund nahiin
Tum amarit kii dharaa ho
Tum jo mere man ko na sahalaatii
To aaj vyaathaa bhaar kaise sah paatii
Jo agni – taral mein no nahaatii
To shitalataa main kaise sah paatii
Jisne maan kaa may nahiin piiyaa
Wah kyaa jaane, maan chiij hai kyaa
Main kaise jaan paatii
Maan tum duniyaa ke
Har rishton mein khoobashurat ho
Tum jo mera man – mandap
Alokit nahiin karatii
Aaj main apane karmapath par
Adig kaise rah paatii
|
Added: Sunday, 10 July 2005 Modified: |
